Allah Ki Raza Aur Qaza – Dil Ka Haal Aur Allah Se Mohabbat

حضرت موسیٰ علیہ السلام نے اللّٰہ تعالٰی سے پوچھا ، اے اللّٰہ ! تیری رضا کس میں ھے؟
فرمایا:”میری رضا میری قضا میں ھے ، جو میری قضا پر راضی ھوگا میں اپنے اس بندے سے راضی ھوجاؤں گا۔ اور جو میری قضا پر ناراض ھوگا میں اس سے ناراض ہوجاؤں گا۔ دیکھیں کہ ھم اپنے رب کی تقسیم پر راضی ھیں یا شکوہ کرتے ھیں؟ “
کچھ لوگوں نے حضرت موسیٰ علیہ السلام سے پوچھا کہ ہمیں کیسے پتہ چلے گا کہ اللّٰہ تعالٰی ھم سے راضی ھیں؟
فرمایا: “میں کوہ طور پر جاؤں گا اور اللّٰہ رب العزت سے پوچھونگا”
چنانچہ جب وہ کوہ طور پر تشریف لے گئے تو عرض کیا:” اے پروردگار ! آپ کے بندے یہ بات پوچھ رہے ھیں..”
رب کریم نے فرمایا: “میرے بندوں سے جاکر کہہ دو کہ وہ اپنے دل میں جھانک کر دیکھیں ، اگر میرے بندے اپنے دلوں میں مجھ سے خوش ھیں تو میں اپنے بندوں سے خوش ھوں، اور اگر وہ مجھ سے ناراض ھیں تو میں بھی اپنے بندوں سے ناراض ھوں ۔”
تو دل میں دیکھیں کہ اس میں اللّٰہ تعالٰی کے شکوے ھیں یا اللّٰہ تعالٰی کی محبت ھے..
ھمیں چاہیئے کہ ھم اپنے دل میں اللّٰہ رب العزت سے راضی رھیں ۔ اسی لئے نبی کریم ﷺ نے صبح وشام یہ دعا پڑھنے کی تعلیم دی..
“رضیت باللّٰہِ ربّّا وبالاسلامِ دیناً وبمحمدٍ نبیاً”
مولانا ذالفقار احمد کی کتاب “کتنے بڑے ھیں حوصلے پروردگار کے” سے ماخوذ۔۔۔!
اللہ پاک ہم سب پر اپنا خاص کرم عطا فرمائے۔ دعا میں یاد رکھیئے گا۔جزاک اللہ