Sajda Ki Dua Ka Raaz – Sajda Mein Allah Se Qareebi Aur Khamosh Ibadat

سجدہ دراصل عاجزی، قرب اور خاموش سچائی کا راز ہے رسولِ اکرم ﷺ نے فرمایا: أقربُ ما يكونُ العبدُ من ربِّه وهو ساجد “بندہ اپنے رب کے سب سے زیادہ قریب سجدے کی حالت میں ہوتا ہے”(مسلم) یعنی سجدہ صرف عبادت نہیں، ملاقات ہے۔ سجدے کی دعا کا راز کیا ہے؟ سجدہ کرنے سے انا کا دفن ہونا جب پیشانی زمین پر لگتی ہے توانسان اپنی عقل، ضد، طاقت، دلیل سب زمین پر رکھ دیتا ہے۔ یہی لمحہ ہوتا ہے جب دعا دل سے نکلتی ہے، زبان سے نہیں۔ خاموش سجدہ سب سے اونچی دعا کئی بار الفاظ نہیں ملتے تو آنکھ نم ہو جاتی ہے سانس بھاری ہو جاتی ہے اور دل بس کہتا ہے: “یا اللہ بس تو سمجھ لے” یہ سجدہ اللہ کو سب سے زیادہ محبوب ہوتا ہے۔ سجدے میں کیا مانگیں؟ نبی ﷺ سجدے میں کثرت سے دعا کرتے تھے۔ آپ ﷺ نے اجازت دی کہ بندہ سجدے میں دل کی بات مانگے۔ لیکن راز یہ ہےکہ پہلے اپنی کمزوری مان لو پھر اللہ کی قدرت یاد کرو پھر خاموش ہو جاؤ اکثر دعا وہیں قبول ہو جاتی ہے جہاں انسان چپ ہو جاتا ہے۔ سجدے کی ایک پوشیدہ دعا یہ الفاظ نہیں، کیفیت ہے: “اے اللہ! میں کچھ نہیں جانتا، میں کمزور ہوں، میں تھک گیا ہوں، اب معاملہ تیرے سپرد ہے” صوفیاء کیا کہتے ہیں؟ حضرت بایزید بسطامیؒ فرماتے ہیں: “میں نے رب کو وہاں پایا جہاں میں خود نہ تھا” سجدہ وہ مقام ہےجہاں میں ختم ہوتی ہےاور وہ ظاہر ہوتا ہے۔ ایک عملی راز (آزما کر دیکھو) آخری سجدہ لمبا کرو کوئی لفظ نہ کہو سانس نارمل ہونے دو دل میں صرف یہ خیال رکھو: “اللہ مجھے دیکھ رہا ہے” پھر جو دل میں آئے، آنے دویہی سجدے کی دعا ہے میں تو یہ سمجھتا ہوں کہ سجدہ قرب کا لمحہ ہے، خاموشی سب سے گہری دعا ہے اور ٹوٹا دل سجدے میں جلد قبول ہوتا ہے۔ میری پوسٹ اچھی لگی ہو تو پلیز لائیک اور شیئر کریں ۔جزاک اللہ